ضع لك ذكرى معنا ،،، لتذكرنا ونذكرك لو نسيتنا...!!, شارك ولو بكلمه اه

ا
موضوع جميل جدا جدا ويستحق التثبيت

ولاكن ساارغي معكم شويه


ليوم عندي حنين لبلدي غير طبيعي

وحبيت اجي اسجل هنا مدى حنيني

لما كنت صغيرة في سن 7 او 8 سنين

كنا عايشين في القرية بحكم تنقل البابا والماما في الشغل

كانت احلى سنين عشتها خصوصا ان قبلها كنا في مدينة جوها حر شوية

وكنت من فصل الربيع للصيف وانا مقعدة بسبب مرض كان بيلزمني الفراش

فالتغير في الجو كان بالنسبة لصحتي كويس ومن وقتها اكتسبت مناعة وحكاية الجو معدتش تفرق كثير

القرية لعبت دور كبير في حياتي

اتحسنت صحيا ومعنويا ونفسيا

وقتها عرفت يعني ايه اخرج الشارع العب

يعني ايه اتنفس بهدوء وحرية

والوقت كان فيه بركة غريبة

كنت بعمل كل الي نفسي فيه

ووقت المغربية الاقي نفسي في البلكونة بتفرج على القطيع وهو راجع من المراعي

واسمع ثغاء الخرفان والكلاب تقفز حواليهم وتنبح بصوت بتنبه بيه اي خروف بيفكر يخرج عن القطيع

كانت كل الفصول محببة الى قلبي

واكثرها فصل الربيع

كان عندنا حقل كبير جدا

فيه من كل انواع الخضار والفواكه وكان عشقي الوحيد اني امسك كتاب

واترمي بين احضان العشب الي كان يغطي طولي كله لو انا واقفة

وامسك كتاب بين ايدي واقعد اقرا

واحيانا يغلبني النوم ومش اصحى الا على جاك الكلب بتاعنا وهو بليف حواليا عشان يعرفني ان الماما بتدور علي

هو الوحيد الي كان بيعرف يجيبني

اكبر عدد من الروايات قريتها في السن ده
بين ال8 سنين و13 سنة

كل روايات نجيب محفوظ خلصت عليها

واحسان عبد القدوس وطه حسن وتوفيق الحكيم وغيرهم كثير

وبعدين نقلت على الادب الاجنبي

فيكتور هيجو وايميل زولا ومارجريت ميتشل وكثير كمان

عشت ايام معتقدش هترجع تاني

وفجاة نقلوا اهلي مرة تانية

واختلفت حياتي جدريا

سوري جدا طولت عليكو

لاكن الحوار معاكو ممتع للغايه