هو الحب عيب؟؟؟

موضوع: هو الحب عيب؟؟؟ الأحد يناير 04, 2009 1:44 pm

ازاى نحب ونعيش قصة حب وميبقاش حبنا ده غلط
متيجو نتكلم بصراحه شويه ياجماعه ومنخافش

فيه ناس لما تحب تخاف حد يشوفها او حد يعرف حاجه عن الموضوع وتفضل تبص وراها وتتلفت طول ماهية ماشية

على فكره اى حاجه الواحد بيعملها وخايف حد يشوفه ويعرف ايه اللى بيعمله بتبقى غلط وميصحش حد يعملها

طيب هو الحب بقى غلط عشان نخاف كده ولو كان غلط ايه الصح عشان نعمله

على فكره انا مش معترضة على الحب

بس النقطة اللى انا بتكلم فيها ازاى نمارسه صح عشان نرضى ربنا ونرضى نفسنا وكمان يبقى صح قدام الناس ومنخافش منه

مستنية ردودكم

عندك حق يا دايونا لازم نتكلم فى الموضوع ده وبصراحه

وانا من رئى بصى هو الحب مش عيب خالص

الحب ده احساس جميل الواحد بيحسه وبيعيشه

ومن غير الحب الواحد مبيقاش حاسس بطعم الحياه

وبتقى الايام كلها شبه بعضها

والحب نفسه بيغير فى الواحد

بس امتى بقى الحب بيبقى صح

بصى احنا فى مجتمعنا الشرقى ده

لو شافو بنت وولد ماشين فى الشارع بيعدو يقلو دى بنت مش متربيه والكلام ده
معنو بقى عادى فى الزمن زى مابقت كل حاجه عادى بس بردو بيتقال الكلام ده

وفى اللى بيقلو ان ده سن مراهقه ومشاعرك فيها مش بتبقى مظبطه اوى
واكيد كلنا بنسمع الكلام ده

بس فى اللى بيحبو بعض بجد وواخدين الامور بجديه مش مجرد تسليه وخلاص
او انى اعرف بنات او ولاد

وانا اعرف ناس كانو بيحبو بعض من هما صغيرين والحمدلله دلوقتى مجوزين
فا ربنا يوفق كل اللى مرتبطتين بس يكونوا مرتبطتين صح
يعنى مرعين ربنا مبيعملوش حاجه غلط
بيحبو بعض بجد وناوين انهم يكملو

ده الحب اللى بجد وده اللى مفهوش عيب لان الحب مش عيب
بس للاسف الناس مش فاهمه كده

بصى والحب العيب بنسبالى هو اصلا ميعتبرش حب دى قله ادب

اللى تلاقى البنت ماشيه مع ولد وحاطتت ايدو عليها والهزار وضحك
والمناظر اللى كلنا بنشوفها دى

ده بقى هو فعلا اللى العيب

وده رئى معلش طولت عليكى ياقمر

بس انا عايزه اسأل سؤال بس هوملوش علاقه اوى بالموضوع ده

بس فى معظم الولاد او اكتريتهم

عندهم انهم يرتبطتو ويحبو ويمشو مع بنات وممكن يكونو بيحب البنت دى بجد

لاكن مثلا لو جيه ولقه اخته بتحب واحد ولا مرتبطته بيه دى تبقى جريمه

وازاى ويعمل قضيه بقى ليه زى مابيدى الحق لنفسه يحب ميديش لخته هو كمان
مش اللى بيحبها دى بنت ولا واحد صاحبه والبنت دى كرامتها من كرامته واللى يقول عليها كلمه اكنها عليه
واللى ممكن فى يوم من الايام تبقى مراته مش بيقكر فى كل ده

ولا اخته لا ومينفعش وعيب والبنت اللى بيحبها عادى جدا

يحاسب نفسه قبل مايحاسبها

عايزه اعرف بقى الولاد اللى بيعملو كده بيعملو كده ليه ؟؟؟؟؟؟؟

معلش ياجماعه انا عارفه انى طولت عليكو مووووووووت

بسمعلش استحملونى

وياريت تقولو رئيكو انتو كمان علشان نعرف كل واحد وجه نظره ومين الصح
واللى بيعمل حاجه يحاول يغير منها علشان تبقى احسن

وياريت يا دايونا نسمع رئيك انتى كمان

وميرسى ياقمر على الموضوع الجامد ده
اللى بجد لازم نتكلم فيه بصراحه

بانتظار كل جديدك الحلو اللى زيك

سؤالك جيد جدا يا لولا

لاكن احب اوجهلك نصيحه سؤالك ده لو سئلتيه لشباب ورجال مصر كلهم مش هيجوبوكي لانه سؤال بصراحه

من الصعب الاجابه عليه ولكن انا هجاوبك

الحب زي ما انتي قلتي هو احساس داخلي احساس جميل جدا

وانا بالطبع مقدرش امنع اختي او اي حد من احساسه ولا اقدر امنع اي حد ان يحب ويتحب كمان

ولاكن الدي امنعه منعا باتا هو انها تخرج مع حبيبها ده مثلا لان انا مضمنش ايه اللي بيحصل وايضا المكالمات التلفونيه والحاجات اللي بتحصل الايام دي

وارجه واقول تاني لن امنع احد مش مشاعرعه ولكن امنع المكالمات واالخروج وانهم يقفوا مع ىبعض وكلام كده

اما عن الموضوع المطروح من قبل دايونا احب اقول وزي ما قلت الحب ليس عيبا ابدا ابدا

ولاكن العيب هو انك تخرجي مع حبيبك يحدث بينكم مكالمات جانبيه

يعني مثلا لما انا ابئا واقف مع حبيبتي ابئا خايف لامها او بابها انهم يشوفونا لان ده غلط في حقها هي وليس انا

لان الاب والام والاخ كل ما يهمهم هي سمعة بنتهم

ولكن ادا رئو الناس البنت وهي واقفه مع ولد والله اعلم بيقولو ايه لبعض

ده من وجهة نظري واكيد الاختلاف في الرائي لا يفسد للود قضيه

مع تقديري

ميرسى اوى ياشادو على وجه نظرك دى

كل الكلام اللى انت بتقوله ده حلو

بس عايزه اسئلك سؤال

اكيد انت مرتبط

اللى بنت اللى مرتبط بيها دى عايز تفهمينى يعنى انكو مبتكلموش بعض خالص فى التليفون

معتقدش اكيد بتكلمو ممكن متكنوش بتقبلو علشان سمعتها وبابها وماتها

بس اكيد بتكلمو الا بقى كده بتحبو بعض مع نفسكو

ازاى عايز اختك تحب وتحب وعادى بس ليتكلمو فى التليقون ولا يشقو بعض
ولا حاجه خالص يبقى بلاش منو احسن

بس هو ده ردى على رئيك

واتمنى تحترمه وتعيد النظر فى رئيك لانو عكس عكاس

اوكى ياجميل

انا عارفه انى بطول عليكو مووت بس معلش

بجد انتي بتفتحي موضوع مهم جدا

لاكن يا لولا لو كل الناس هتفكر زي ما انتي بتفكري وزي ما انتي بتقولي

يبئا خلاص هتلاقي كل ولد ماشي مع بنت وتلاقي اخته ماشيه مع حبيبها جنبه

كلام غير منطقي بالمره

ولكن هذا الموضوع بيرجع لشخصية البنت ومدي الرقابه عليها في البيت

هذه وجهة نظري

مع خالص شكري لولا علي الموضوع الرائع

مع خالص تقديري